腸仔炎有真濟款，咱今仔日來講寒--人khah捷拄--著ê諾羅病毒腸仔炎。諾羅病毒kap車輪病毒(Rotavirus)是造成寒天真gâu流行2 種腸仔炎ê病毒。
諾羅病毒腸仔炎會感染大大細細ê人。感染是因為食著「無清氣ê物」，病毒走入去胃腸，大約24~48點鐘後就開始有症狀。上濟ê症狀是吐kaplàu(漏屎)，有時mā有發燒，頭痛á-sī骨頭sng痛。一般3 kang就家己會好--去，無啥物要緊。但是老人、身體虛lám--者、幼囡仔若吐làusiuⁿ濟pái會脫水，mā是有性命危險！最近半個月(2019年3--g月)已經有beh 30萬吐làu患者，大家ài提高警覺！
這款病毒足gâuòe--人，無細膩就òe來òe去；有時甚至kui家伙á lóng「中鏢」！tī濟濟人做伙ê所在，親像軍隊、學校、遊輪、病院、安養院等等，往往lóng是集體感染！真恐怖。
頭前所講「無清氣ê物」包含患者ê大便á-sī嘔吐物、hō͘病毒污染ê水kap食物像講蚵仔、sala(生菜沙拉)。
因為是病毒引起--ê，無啥物特效藥thang治療。注意補充水分kap鹽份(電解質)就會使。若是吐làu過頭傷重，須要tòa病院掉大筒--ê(打點滴)。
預防上好ê法度是保持清氣衛生，特別是雙手；流行期pī-bián去公共場所，出外手mài烏白chiān！諾羅病毒m̄是「一隻」病毒，是「一陣」病毒！所pái無仝「隻」病毒真濟páiê感染有可能發生。
【台灣字／白話字版】
Noropēⁿ-to̍kTn̂g-á-iām
Tn̂g-á-iām ū chin-chēkhoán. Lánkin-á-ji̍tlâikóngkôaⁿ--lângkhahchia̍ptú--tio̍h ê Noro pēⁿ-to̍ktn̂g-á-iām. Noro pēⁿ-to̍kkapChhia-liánpēⁿ-to̍ksīchō-sêngkôaⁿ-thiⁿ chin gâu
liû-hêng2 chióngtn̂g-á-iām ê pēⁿ-to̍k.
Noro pēⁿ-to̍ktn̂g-á-iām ē kám-jiámtōa-tōasè-sè ê lâng. Kám-jiámsī in-ūichia̍h-tio̍h “bôchheng-khì ê mi̍h”, pēⁿ-to̍kcháuji̍p-khìūi-tn̂g. Tāi-iok 24-48 tiám-chengāuchiū ū chèng-chōng. Siōng-chē ê chèng-chōngchiū-sīthò͘ kaplàu. Ū-sîmā ū hoat-sio, thâu-thiàⁿ á-sīkut-thâu
sng-thiàⁿ. It-poaⁿ 3 kangchiū ka-kī ē hó--khì. Bôsiáⁿ-mihiàu-kín. Tān-sīlâu-lâng, sin-thé
hi-lám--chiá, iùgín-á nāthò͘ làusiuⁿ-chēpái ē thoat-chúi. Mā-sī ū sèⁿ-miāgûi-hiám. Chòe-kīnpòaⁿ-kò-goe̍h(2019 nî 3--goe̍h) í-keng ū beh 30 bānthò͘ làuhoān-chiá. Tāi-keàithê-kokéng-kak.
Chit-khoánpēⁿ-to̍kchiokgâuòe--lâng. Bôsè-jīchiūòe-lâiòe-khì. Ū-sîsīm-chìkui
ke-hóe-á lóng “tiòng-pio”! Tīchē-chēlângchò-hóe ê só͘-chāi, chhin-chhiūⁿ kun-tūi, ha̍k-hāu,
iû-lûn, pēⁿ-īⁿ, an-ióng-īⁿ téng-téng, óng-ónglóngchi̍p-thékám-jiám! Chin khióng-pò͘!
Thâu-chêngsó͘-kóng“bôchheng-khì ê mi̍h” pau-hâmhoān-chiá ê tāi-piān, áu-thò͘-mi̍h, hō͘ pēⁿ-to̍ku-jiám ê chúikapchia̍h-mi̍hchhiūⁿ ô-á, sala.
In-ūisīpēⁿ-to̍kín-khí--ê, bôsiáⁿ-mi̍hte̍k-hāuio̍h thang tī-liâu. Chù-ì pó͘-chhiong
chúi-hunkapiâm-hunchiū ē-sái. Nā-sīthò͘ làusiuⁿ kòe-thâusiong-tiōng, su-iàutòapēⁿ-īⁿ tiàutōa-tâng--ê.
Ī-hôngsiōng-hó ê hoat-tō͘ sīpó-chhîchheng-khìōe-seng, te̍k-pia̍tsīsiang-chhiú.
Liû-hêng-kîpī-biánkhìkong-kiōngtiûⁿ-só͘. Chhut-gōachhiúmài o͘-pe̍hchiān! Noro pēⁿ-to̍k m̄-sī “chi̍t-chiah” pēⁿ-to̍k, sī “chi̍t-tīn” pēⁿ-to̍k! Só͘-páibô-kāng “chiah” pēⁿ-to̍kchin-chēpái êkám-jiám ū khó-lêng ē hoat-seng.
專欄屬作者個人意見，文責歸屬作者，本報提供意見交流平台，不代表本報立場
