有關台灣古早賣生活日用品的雜貨店，大家攏知叫做Kám仔店。毋過，漢字按怎寫卻一直無定論。
「柑仔店」，看起來親切，毋過音義攏無合，是不倫不類；「敢字加竹頭」，音可借用，卻是電腦打昧（bē）出來這字，欲互伊流通也真奧（oh）。
延伸閱讀：【專欄】雜貨店不是叫柑仔店啦
就意思看，Kám仔，抑是Kám瑚（ô͘）是用竹篾仔編做圓形，闊闊淺淺親像盤子，會當貯物件的竹製器具。佇漢字中有一字「匾」，雖然看起來字形並無Kám的音，除了咱所孰悉「匾額」以外，伊猶有「圓形而邊淺的竹器」的意思，這正正就是指台語的Kám仔。
既然現有的字「匾」就是Kám仔，咱敢需要另外去造一字電腦打昧出來的新字，「敢字加竹頭」，將伊定義做「圓形而邊淺的竹器」，閣互伊一個音讀做「Kám」？
匾仔店，kám-á-tiàm，可能一時昧慣勢，毋過意思是正確，咱敢昧當接受 ?
雜貨店在用的大小kám-á。圖／呂自揚
專文屬作者個人意見，文責歸屬作者，本報提供意見交流平台，不代表本報立場。
