「國家語言發展法」tī 舊年 (2018)12 月25 通過ah！咱久長ê 期待總是有初步ê 成績。這，當然值得咱歡喜kap 慶祝；M̄ -kú 咱mā ài 了解「法律家己bē 執行」，kan-ta 提供「正當性」ê 基礎nā-tiāⁿ。咱猶是tio̍h-ài 繼續koh 拍拚，猶是ài 有人beh 振動去做。
本底，「民報」因為無經費，按算beh 停刊！hō͘咱感覺足無采、mā 足m̄ 甘！
總是，後--來陳永興兄克復真濟困難，按算beh 繼續擔chit-ê 責任，koh beh bú 民報！Hō͘ 咱有夠歡喜！
Chit-má，咱會當繼續koh 來民報「台語世界」寫台語文！M̄ -kú 民報無氣力koh 提供稿費。我個人見解，咱beh 有像民報這款媒體thang 定期刊豋台語文，應該講是「點燈火無tè chhōe ah！」絕對ài 好好á 寶惜有這款機會！
2005 年hia「自由廣場」mā 有hō͘咱機會寫台語文，咱mā 有呼籲朋友寫文稿投書；可惜無幾ê 人寫，後--來就斷--去！實在有夠無采！希望這款歷史無koh 再來。
詳細情形等1 月12 台灣羅馬字協會年會大家討論了才koh 報告。
台灣出頭天！台語文好天年！
文章屬作者個人意見，文責歸屬作者，本報提供意見交流平台，不代表本報立場。
